Browser-Xайлтын систем:  Энэ нь мэдээллийг унших болон интернэт дээр замаа хайх боломжийг олгох программ хангамж юм. Эдгээрээс Internet Explorer, Netscape хамгийн чухал.

Domain name-Домайны нэр:  Вэб сайтын хаяг нь зөвхөн таных байх бөгөөд интернэтэд хадгалагдсан бүх вэб сайт рүү хүмүүс уг хаягаар шууд орно.

Download-Татан авах:  Мэдээллийг интернэтээс өөрийнхөө компьютерт шилжүүлэх процесс.

E-commerce-Интернэт худалдаа:  Интернэт худалдааны олон тодорхойлолт байдаг ч үүнийг энгийнээр хэлбэл интернэтээр бараа, үйлчилгээ худалдах явдал юм.

E-mails-Имэйл, Цахим шуудан:  Интернэтээр илгээх цахим мэдээ бөгөөд захидалтай адил юм.

Encryption-Шифрлэлт:  Зөвшөөрөлгүй этгээдэд унших боломж олгохгүйн үүднээс мэдээллийг кодоор шифрлэх.

FTP:  Файл дамжуулах протокол- Интернэтэд мэдээлэл гаргаж тавих эсвэл түүнээс татаж авах энгийн арга. Интэрнэт дэлгүүр байгуулах сайн программ хангамж таны өмнөөс үүнийг гүйцэтгэж чадах тул та үүнийг мэдэх шаардлагагүй. Гэхдээ л ихэнхдээ тусгай программ хангамж үүнийг илүү сайн хийнэ.

Фонт:  Текстийн үсгийн шрифтийн нэр.

HTML:  Вэб хуудас бүтээхэд ашиглагддаг программын хэлний нэр. Интэрнэт дэлгүүр байгуулах сайн программ хангамж таны өмнөөс үүнийг гүйцэтгэж чадах тул та үүнийг мэдэх шаардлагагүй.

Интернэт:  Компьютерийн дэлхий нийтийн сүлжээ.

Интернэтээр үйлчлэгч:  Интернэтэд холбогдох боломжоор хангадаг компани.

Merchant-Худалдаачин:  Бараа худалддаг хэн нэгэн этгээд.

Худалдачны данс: Зээлийн картаар төлбөр хүлээн авах боломж олгодог банкны данс.

Meta tags:  Вэб хуудсанд байрлуулсан тусгай мэдээлэл бөгөөд энэ нь хайгч таны вэб сайтыг илүү сайн индексжүүлэх болон ангилах боломж олгодог.

Модем:  Телефон утасны шугамаар дамжиж нэг компьютер нөгөөтэйгөө ярилцах төхөөрөмж.

Сүлжээ:  Өөр хоорондоо мэдээлэл солилцох боломжтой байхаар холбогдсон хэд хэдэн компьютер

Онлайн:  Интернэтэд шууд холбогдсон байх.

PGP:  Интернэтээр илгээх чухал мэдээллийн нууцлалыг найдвартай хадгалах үүднээс түүнийг кодоор шифрлэдэг программ хангамж. PGP гэдэг нь Pretty Good Privacy-гийн товчилсон үг бөгөөд цэргийн зэрэглэлийн шифрлэлтэд хүртэл хэрэглэгддэг.

Бодит цаг хугацаанд төлбөрийн үйлчилгээ үзүүлэгч:  Зээлийн картын гүйлгээг шимтгэлтэйгээр гүйцэтгэх онлайн үйлчилгээ.

Redirect URL:  Бараг зөвхөн танд л хамаарах вэб хуудасны хаяг бөгөөд энэ нь таны вэб сайтыг интернэтийн хаанаас ч олох боломж олгодог.

Search engine-Хайгч:  Интернэт дээр өөр бусад вэб сайтыг олоход туслах вэб сайт.

Интернет дэлгүүр бүтээх программ хангамж:  Интернэтэд зориулсан дэлгүүр бүтээх боломж олгодог компьютерийн программ.

SSL:  Интернэтээр мэдээлэл илгээхийн өмнө түүнийг кодоор шифрлэдэг Secure Sockets Layer гэдэг программ хангамж. Энэ нь бүх хайлтын системд байдаг.

Traffic-Хөдөлгөөн:  Интернэтээр нэвтэрч буй мэдээллийн хэмжээ.

Гаргаж тавих:  Өөрийн компьютерээс интернэт рүү мэдээлэл шилжүүлэх процесс.

URL:  Universal Resource Locator – ‘Вэб сайтын хаяг’-ийн техникийн нэр томъёо.

Web host:  Вэб хуудсаа байрлуулах боломжийг таньд олгох үүднээс интернэт дэх зайг түрээсэлдэг компани.

Вэб хуудас:  Интернетэд тавигдсан ‘хуудас’.

Вэб сайт:  Интернетэд тавигдсан ‘хуудас’ буюу бүлэг ‘хуудас’.

Вэб сайтын хаяг:  Зуучийн тусламжтай интернэт дээрээс олж болох Вэб сайтын хаяг

Дэлхий нийтийн сүлжээ:  Интернэт дэх бүх Вэб сайтын нэгдэл бөгөөд үүнийг бас интернэтийн нэрээр хэрэглэдэг.

Буруу ойлголт 1: Жижиг бизнес эрхлэгч бүр Вэб хуудастай байх хэрэгтэй

Олон жижиг бизнес эрхлэгчдийн хувьд өөрийн Вэб хуудсыг бий болгож, түүнийгээ байнга сайжруулан ашиглах нь ашигтай байдаг боловч ийм хэлбэрийн маркетинг бүх бизнест тохиромжтой биш гэдгийг ойлгох нь чухал. Доорх нөхцлүүдэд Вэб хуудас ашиглах талаар бодож үзэх хэрэгтэй. Үүнд:

• Таны худалдан авагчид сүлжээнд холбогддог бол.

  Хэрэв таны худалдан авагчид Вэб-ээр дамжуулан бараа бүтээгдэхүүн худалдан авдаг, эсвэл мэдээлэл авдаг бол та тэнд нь байх хэрэгтэй болно. Харин худалдан авагчид тань мэдээллээ ихэнхдээ бусад эх сурвалжуудаас (бизнесийн лавлахууд, сонин, сэтгүүл, худалдааны үзэсгэлэн болон бусад төрлийн маркетингийн эх сурвалжууд)авдаг бол тэдгээр чиглэлээр нь илүү анхаарч ажилласан нь дээр байж болно.

• Та үндэсний болон олон улсын хэмжээнд хэрэглэгчдэд түргэн шуурхай, үр дүнтэй хүрэх хүсэлтэй байгаа бол.

  Вэб маркетинг бол “орон нутгийн” чанартай маркетинг биш. Мөн чанарын хувьд энэ нь өөрөө ихээхэн өргөн цар хүрээтэй зүйл учраас энэ давуу талыг нь ашиглах бэлтгэлтэй байх хэрэгтэй. Жишээлэхэд Нью-Йоркын захад байрлалтай нэгэн орон байрны гэрээлэгч компанийн хувьд зөвхөн тухайн хязгаарлагдмал зорилтот зах зээлд үйлчлэх тул Вэб хуудасны үр ашгийг бүрэн гаргаж чадахгүй байх нь магад. Харин улиын хэмжээнд түгээж хүргэх үйлчилгээ санал болгож байгаа чихэр борлуулагч компани Вэб-ийн өргөн хамрах хүрээг ашиглах талаар хавьгүй илүү байх талтай.

• Вэб хуудас тань танай компанийн маркетингийн зорилтууд болон төсөвтэй уялдсан бол.

  Вэб хуудас нь тухайн компанийн маркетингийн цогц нэгдмэл төлөвлөгөө болон төсвийн нэгэн бүрдэл хэсэг болсон байвал зохино. Ашиглаж буй бүх арга хэрэгсэлийн гол агуулга санаа нь харилцан уялдаатай, тогтмол байх хэрэгтэй.

• Вэб нь маркетингийн бусад хувилбаруудыг орлохуйц, эсвэл тэдгээрээс илүү үр дүнтэй хэрэгсэл болж байгаа бол

  Худалдан авагчид Вэб-ийг ашиглан өөр замаар бол олж авахад хэд хэдэн өдөр, эсвэл долоо хоног орох байсан мэдээллийг шууд хүлээн авах боломжтой болдог. Жишээлбэл гэрэл зурагчин өөрийн авсан зургийн загвар танилцуулгаа Вэб дээрээ тавьсан тохиолдолд боломжит харилцагчдыг Вэб хуудастайгаа танилцахыг хүсэх бөгөөд ингэснээр ажил бүрийн төлөө танилцуулгаа илгээх зардлаас чөлөөлөгдөх юм.

• Вэб хуудастай байж түүндээ цаг, хөрөнгө зарах боломжтой бол

  Вэб хуудас нь байнгын анхаарал шаарддаг зүйл. Та түүнийгээ байнга шинэчилж байх боломжтой юу? Сар бүр шинэ зүйл нэмж оруулж чадах уу? Вэб хуудсаа зүй ёсоор нь хадгалж шинэчлэхэд хангалттай цаг, төсөв зарцуулж чадах уу? Та үүнийг өөрөө хийх боломжгүй бол тусгайлан хүн хөлслөн ажиллуулж болно. Үгүй бол таны хичээл зүтгэл талаар өнгөрөх нь тэр.

Буруу ойлголт 2: Вэб хуудас нь жижиг бизнес эрхлэгчдэд томоохон өрсөлдөгчидтэй өрсөлдөх тэгш боломж олгодог

Үнэн, мэргэжлийн төвшинд хийгдсэн таны бизнесийг байгаагаас нь том мэт харагдуулж болно. Гэхдээ оновчтой төлөвлөгөө, үр дүнтэй хэрэгжүүлэлтгүй бол Вэб хуудас тань таны бизнесийг бүр жинхэнэ байдлаас нь дордуулан харагдуулж өрсөлдөх чадварыг тань доройтуулах боломжтой.

Вэб-ийг ашиглан мэргэжлийн төвшингөө үзүүл. Мэдлэг чадвараа дэлгэн харуулсанаар та бизнесээ нарийн мэргэжлийн төвшинд тавьж худалдан авагчдыг татах, тэдэнд өөрийн бүтээгдэхүүн үйлччилгээг сонирхох сонирхол төрүүлэх боломжтой болно.

Өөрийн бизнесээ байгаагаас нь том болгон харагдуулах нэг арга бол өөрийн гэсэн домэйн нэртэй болох явдал. “www.yourcompanyname.com” гэсэн хаяг нь Интернэт үйлчилгээ Үзүүлэгч (ИҮҮ) эсвэл ямар нэгэн онлайн үйлчилгээний компанийн дотоод хаягаас(www.yourISP.com/~yourcompanyname) олоход хавьгүй хялбар бөгөөд таны компаний талаар илүү мэргэжлийн имиж төрүүлдэг. Домэйн-ээ бүртгүүлэхэд багахан хөлс төлөх ба таны сайт-ыг бага хэмжээний сарын төлбөртэйгөөр байрлуулах ИҮҮ зөндөө олдоно. Энэ талаар өөрийн ИҮҮ-д хандах хэрэгтэй.

Болгоомжлох ёстой бас нэг зүйл бол хэт их технологи ашиглах гэж оролдох явдал. Ганган хүнд гархи нэмэр гэдгийн адилаар зүгээр л “гоё” санагдсан учраас хэрэглэж болох бүхнийг авчирч наах гэж оролдох нь үнэн хэрэгтээ таны эсрэг ажиллаж болно. Жишээлэхэд нэгэн зөвлөх үйлчилгээний компанийн Вэб хуудас өнөөх алдартай хэдэн хүн уг хуудсыг үзсэнийг харуулдаг “counter” буюу “лангуу”-тай байжээ. Харамсалтай нь энэ нь уг Вэб-ийг цөөн хүн үздэгийг зарлаж тэгсэнээрээ өгч байгаа мэдээлэл нь үнэхээр үнэн зөв үү эсвэл зөвхөн тийм сэтгэгдэл төрүүлэх гэж хэт оролдсон байна уу гэдэгт эргэлзэхэд хүргэдэг. Хэрэв тэр лангуу байхгүй байсан бол та тэгж бодолгүй унших байсан байж магадгүй.

Буруу ойлголт 3: Вэб хуудастай болсоноор танай компанид бөөн үйлчлүүлэгч цутган орж ирнэ

Хүмүүс танай Вэб хуудсыг өөрсдөө олно гэж санасаны хэрэггүй. Вэб хуудсандаа зочлох хүмүүсийн тоог нэмэгдүүлэхийн тулд та Интернэтээр болон уламжлалт маркетингийн материалыг ашиглан идэвхтэй идэвхжүүлэлт сурталчилгаа явуулах хэрэгтэй. Доор үүнийг хийх зарим аргуудыг дурдав.

Вэб хуудсаа бүх томоохон хайлтын системүүдэд бүртгүүл. Тухайлбал: Google, Yahoo!, Excite, Infoseek, Lycos and Hotbot гэх мэт. Мөн таны URL буюу сайт-ын нэрийг олон тооны хайлтын систем, мэдээллийн сангуудад бага төлбөртэйгөөр бүртгэдэг үйлчилгээнүүд байдаг. Түгээмэл хэрэглэгддэг нэг нь Үүнд бүртгүүлэх хэрэгтэй. Харин өөрийн сайт-аа эдгээр үйлчилгээнд нэгэнт бүртгүүлсэн тохиолдолд та сайт-аа хэрхэн танилцуулахыг хянах боломжгүй болно.

Хослох бүтээгдэхүүн үйлчилгээтэй өрсөлдөгч бус компаниудтай холбоос, толгой реклам (banner ads) солилц. Холбоо тогтоох хүсэлтэй байгаа сайт-ынхаа Вэбмастерт и-мэйл бичиж харилцан холбоотой ажиллах санал тавь. Энэхүү харилцааг тогтоох нь харилцан ашигтай гэдгийг захиандаа онцлон тэмдэглэ. Link Exchange (Холбоос Солилцоо) зэрэг үйлчилгээнд хамрагдсанаар бусад бизнесүүдтэй холбоо тогтоож өөрийн Вэб хуудас дээр тэдний толгой рекламуудыг тавьсан хэмжээгээрээ тэдний Вэб дээр өөрийнхийгөө тавих боломжтой болно.

Сурталчилгаа танилцуулгын бүх хэрэгсэл дээрээ URL-аа танилцуул. Хэрэглэж байгаа бүх төрлийн реклам, бүтээгдэхүүний танилцуулга, нэрийн хуудас, захианы толгойн дээр Вэб хуудасныхаа хаягийг тавь. Мөн и-мэйлийн гарын үсгийн доор Вэб хаягаа тавьбал худалдан авагчид таны захиан дээрээс шууд Вэб хуудас руу тань орох боломжтой болно.

Бусдыг уучилснаараа та хэнд тусалж байна вэ?
Бусдыг уучилснаараа та хэнд тусалж байна вэ? Өөртөө! Миний хувьд бусдыг уучилна гэдэг маш хэцүү байсан. Намайг шархлуулсан хүнийг уучлах нь ёс бус хэрэг гэж боддог байлаа. Нэг ёсондоо намайг зовоож байгаа тэднийг уучлах гэж үү? Гэхдээ би тэднийг уучилснаараа өөртөө юуны түрүүнд тусалдаг гэдгийг ойлгосон. Намайг гомдоосон хүнийг уучилснаараа би тэр хүний зүрхэнд Бурхан ажиллах боломжийг олгож байна гэсэн үг. Хэрвээ би Түүнд энэ боломжийг олголгүй харин өөрөө асуудлыг шийдэх гэж оролдвол Тэр юу ч хийхгүй. Хэрвээ бид биднийг гомдоосон хүмүүсийг уучилвал Бурхан тэдний амьдралд ажиллах болно. Уучлал – энэ нь Бурханы үгийг даган үр тарьж байгаа нэг хэлбэр юм. Үүнийг тарьснаараа бид ивээл ерөөлийн үр жимсийг заавал хураан авах болно. Бусдыг уучилснаараа би Бурхан бүх асуудлийг шийдэх боломжийг олгож байна гэсэн үг. Уучилсны дараа би өөрөө эхлээд зүрхний тайвшралийг эдэлдэг. Бүр махбодийн хувьд ч тэр шүү. Харин уучилж чадахгүй бол энэ нь хүнд хэлбэрийн өвчин болон хувирах магадлал өндөр. Марк 11:22-26 – д уучлахгүй байдал нь бидний итгэлд ч саад болдог тухай өгүүлсэн байдаг. Хэрэв бид бусдыг уучлахгүй бол Тэнгэрийн Эцэг ч бас биднийг уучлахгүй (бид юу тарина түүнийгээ л хураан авна шүү дээ).. Өршөөл, нигүүлсэл уучлалыг таривал уучлал нигүүлсэл л хурааж авна, шүүмжлэл таривал шүүмжлэлээ л хурааж авна шүү дээ. Таныг гомдоосон хүнийг яг одоо уучил.
Уучлалын бас нэгэн давуу тал нь: бид бусдыг уучилж чадсанаараа Тэнгэрийн Эцэгтэйгээ саадгүй ярилцаж чадна. Үл уучлал нь Түүнтэй ярилцахад ч саад болдог. Элч Паул хэлэхдээ муу ёрын сүнс бидний дээр ажиллахгүйн тулд уучлах хэрэгтэйг өгүүлсэн байдаг(2 Коринт 2:10–11). Муу ёрын сүнсэнд өчүүхэн ч боломжийг бүү өг. Бид өөрсдийн гомдол, уур хилэнгээ нар жаргахаас өмнө шийдэх ёстой. Хэрвээ та өөрөө түүнд боломжийг олгохгүй бол, үүд хаалгаа нээхгүй бол тэр таны амьдралд орж ирж чадахгүй.
Уучлалтыг хойш бүү тавь. Таныг зовооход муу ёрын сүнсэнд бүү тусал. Үүнээс гадна хэн нэгнийг үзэн ядахын хажуугаар өөр нэгнийг хайрлана гэдэг хэцүү. Нэг хүнд нь сайн хандаад нөгөө нэгэнд нь муу хандана гэдэг хэцүү. Таныг хайрладаг хүмүүс чинь хүртэл таны гомдол, үл уучлалаас болж зовно шүү дээ.

Яаж уучлах вэ?
Би таньд хэдэн алхмыг зааж өгье. Би Бурханаас асуусан: яагаад маш олон хүмүүс үүнийг хийж чадахгүй байна вэ гэж. Тэр надад хэлсэн: «Яагаад гэвэл тэд миний үгэнд анхаарал хандуулан дагадаггүй».
Дараахь алхмуудийг би библи судлах явцад олж мэдсэн юм. Ингээд:
1. Уучлана гэсэн шийдвэр гаргах. Танвд уучлах хүсэл төрсөн үед л уучилна гэвэл та хэзээ ч уучилж чадахгүй. Таныг гомдоосон хүнийг яг одоо уучилна гэж шийдвэр гарга. Энэ шийдвэрээсээ бүү буц, Бурхан зүрхний чинь шархыг эдгээх болно.
2. Бурханд түшиглэ. Ариун Сүнсний тусламжгүйгээр уучлахад маш хэцүү. Маш хэцүү. Хэрэв та үнэхээр хэн нэгнийг уучлахаар шийдсэн бол Бурхан таньд хүчийг өгөх болно, үүний тулд Түүнээс гуй. Иохан 20:22-23 Есүс шавь нартаа «Ариун Сүнсийг хүлээн ав» гэж хэлсний дараа уучлалын талаар ярьсан. Бид ч бас Түүнээс Ариун Сүнсийг гуйх хэрэгтэй.
3. Бурханы үгийг дага. Библи бидэнд биднийг гомдоогчтой яаж харилцах талаар заасан:
а. Өөрийн дайсан болон гомдоогчийнхоо төлөө залбирах – тэдний аз жаргал, ивээлийн төлөө (Луки 6:27–28). Таны залбирлийн дагуу Бурхан тэднийг төөрөгдлөөс гаргах болно. Магадгүй тэр таныг гомдоосноо ч мэдээгүй явж байж болно.
б. Хараах биш харин ерөө (Ром 12:14). Грек үг болох «ерөөх» нь «хэн нэгний талаар сайн юм ярих», харин «хараах» нь «муу юм ярих» гэсэн үг юм. Та таныг гомдоогчийг бусдад муулсаар түүний талаар муу мэдээ тараасаар явна уу? Тэгвэл яг одоо зогс. Хайр бүхнийг далдалдаг.

Хэнийг уучлах вэ?
Олон жилийн өмнө таныг гомдоосон, яг өнөөдөр таны хөл дээр гишгэсэн, таныг түлхсэн тэдгээр хүмүүсийг уучлаарай. Таныг гомдоосон бүх хүнийг уучлаарай. Уучлахдаа бүү удаарай. Хэдий чинээ хурдан уучилна, төдий чинээ таны сэтгэл хөнгөрнө. Уучлахдаа хариу нэхэлгүй уучлаарай. «Үнэгүй авсан юмаа үнэгүй өгөгтүн» (Матфея 10:8).
Өс хонзонг Бурханд үлдээ. Тэр Өөрийн ард түмнийхээ өмнөөс босох болно (Еврей 10:30). Бурханд бүх зүйлийг даатга, өөрөө шийдэх гэж бүү хичээ.
Үүнээс гадна өөрийгөө та уучил, өөрийнхөө урьдын алдаа, гэм нүгэл, болон бусдад учруулсан шарх, зовлонг уучил. Бурханаас үүний төлөө гуй.
Ямар ч тохиолдолд таны амьдрал хүссэнээр чинь болохгүй байгаад Бурханд бүү гомд. Бурхан мөнхөд шударна. Магадгүй та Бурханы хайрыг ойлгохгүй байгаа юм биш биз. Түүнээс гуй, Тэр таньд туслахад яг одоо бэлэн.
Магадгүй яг одоо та ажлын газрынхаа хэн нэгнийг эсвэл таныг хуурч байсан дэлгүүр, банк, шуудангийн ажилтанг уучлах хэрэгтэй биш үү? Байнга эвдэрдэг машинаа ч бас уучлаарай.
Гомдол, үл уучлал, гашуудлийн хороос чөлөөлөгд анд минь учир нь бидний Эзэн хэлэхдээ: «зүрхээ цэвэр хадгал, учир тэндээс амьдралын эх булаг оршино» гэж хэлсэн юм. Гомдол – сүнсний бохирдол. Хурдан уучлаарай, Бурханы үгээр зүрхээ угаагаад цэвэршээрэй. Бурхан таныг ивээг.

Жойс Майер

Энэ бүхний эцэст та, би ямар хүн бэ гэдгээ нэвтэрхий мэдэж дүгнэж чаддаг бил үү. Чаддаг бол доторхи хүнтэйгээ нэгдэн нэгэн махбодь оюун ухааны төгс нийлэмж болохоо мэдэрнэ. Хүмүүс доторхи хүнтэйгээ бүрэн ойлголцдоггүйн улмаас зөрчилд хүрдэг. Энэ зөрчлөөс гарахын тулд өдрийнхөө хэсэгхэн хормыг өөртөө зориулж дотор хүнтэйгээ ярилцах хэрэгтэй. Хэрвээ ярилцаж чадахгүй байгаа бол бясалгал хийх нь ярих чин хүслийг тань нээж өгнө. Дотоод зөрчил нь зүүд зөн совинтой холбоотой байдаг. Тийм учраас сэтгэл санаа хоёрдож хүсэл, ухаан хоёр зөрчилдөж байдаг. Энэ нь таны итгэл үнэмшлийг мохоож стресст хүргэдэг. Ийм дотоод зөрчилгүй байвал та өөрийгөө хөгжүүлж чадна. Өөрийгөө хөгжүүлэхдээ өөрт байгаа зорилгоо биелүүлэхийн тулд юу хүсэж байгаагаа мэдэрч дотор хүнтэйгээ хамтран нэгэн сэтгэлээр өчүүхэн бага ч гэсэн идэвхи гаргавал агуу их амжилт таны өмнө байна. Амжилтаа мэдрэхийн хэрээр та санаа бодол, авъяас чадвараа зорилгодоо ашигласнаар амьдрахын утга учрыг ухан ойлгож гэгээрэхүйд хүрэх мөрөөдөл тань биелэх болно.
Та ч гэсэн тодорхой зорилготой байгаа биз. Тэгвэл яг одооноос өөрийн нөөц бололцоогоо ашиглан зорилгодоо хүрэх зорилт тавиад үнэн сэтгэлээсээ хэрэгжүүлээд үз. Ингэвэл таны чадварлаг эмч, эрдэмтэн болох гэсэн цаашдын зорилго ойрхон байгааг санаарай.

Хичээлээ хийж эхлэхдээ өөрийн доторхи хүнээ хичээл хийхэд бэлтгэх хэрэгтэй. Яагаад гэвэл ойлгохгүй нэг цаг уншсанаас ойлгоод таван минут уншсан нь илүү үр дүнтэй. Ийм учраас доторхи хүнийхээ тэхэхсэн ингэхсэн гэсэн хүслийг түр сатааруулж би яг одоо үүнийг л хийх ёстой гэж түүнтэй тохиролцон тэр зүйлдээ төвлөрөх хэрэгтэй. Ингэж оюун санаагаа “хэсэн тэнүүчлэх”-ээс хамгаалж чадвал ямар нэгэн бодох зүйлгүй хичээлээ хийх нөөц бололцоо ямар ч орчинд хангагдана. Хэрвээ тэр хичээлийг хийх дургүй байгаа бол яавал энэ хичээлд би сонирхолтой болох вэ гэдэгт аргумент дэвшүүлж чаддаг байх ёстой. Хүмүүс өөрийгөө сайхан амьдрахын тулд би сурч байна гэж боддог. Харин та сурахын тулд би зовж амьдардаг гэсэн сэтгэхүйгээр өөрийгөө өөрчилж чадвал мөрөөдөл аз жаргалдаа хүрэхэд тань хамгийн дөт зам байх болно.